Sainsanaa

Ингэхэд математик, хими, физикийн хичээл ямар амьдралд ямар хэрэгтэй юм бэ? Бидний амьдарч буй дэлхий маань аварга том зөрчил тэмцэлээр дүүрэн, хэцүү бэрх, амь насанд аюултай. Энэ дэлхийд бусдаас илүү амьдрахын тулд маш их юм сурах хэрэгтэй.

Дунд сургуулийн хичээлээ мэдэхгүй бол мэргэжилгүй үлдэнэ. Мэдлэггүй хүн бүтэлгүй амьдардаг. Ирээдүйд янз бүрийн газар янз бүрийн хүмүүстэй харьцах болно. Уран зохиол, түүхийн хичээлийн баатруудын жишээ ямар ч үед хүнд байдлаас мултрахыг зааж байдаг. Түүхийн хичээл дээр олон улсын хууль ба дүрэм журмыг мэдэж авдаг.

Гадаад хэлийг сайн сурвал зөвхөн гадаад хүнтэй харьцаад зогсохгүй мэдлэгээ улам өргөжүүлэх боломжтой болдог. Мөн бодол санаагаа хурц тодорхой илэрхийлж сурдаг. Ургамал ба амьтан судлал, хими, газар зүйн хичээлүүд байгалийн нууц, түүний хуулиудыг илүү зааж өгдөг. Юмс хөдөлгөөн түүний хуулийг судалснаар хүн машин онгоц хийж унасан.

Дулааны тухай судалж мэдсэнээр халуун ус паараар гүйлгэн өвөл даарахгүй амьдрах болсон. Математикийн хичээл хүнийг маш хурдан сэтгэдэг овсгоо самбаатай болгодог. Хэрэв хичээл дээр ойлгохгүй юм гарвал хэзээ ч ичиж болохгүй. Шууд гараа өргөөд асуусан нь дээр. Дараа нь өөрөө номноос хайвал хамаг цагаа бардаг.

Их мэдлэг авах тусам чи ухаалаг болж тархи чинь хөгждөг. Сургуульд авсан мэдлэг чамайг сайхан амьдрах баталгаа болно. Юм сураагүй бол хэнд ч хэрэггүй хүн болно.